اَلضِّغْثُ [eḋ-ḋiġšamp;] (ḋâd’ın kesriyle) Bir demet otluğa denir ki yaşı kurusu karışık ola. Cemʹi أَضْغَاثٌ [aḋġâšamp;] gelir. أَضْغَاثُ أَحْلاَمٍ [aḋġâšamp;u aḩlâm] dedikleri rü΄yâ bundan me΄hûzdur ki karışık olduğundan taʹbîr ve te΄vîle sıhhat ve salâhiyyeti olmayan rü΄yâdan ʹibârettir.
اَلضَّغْثُ [eḋ-ḋaġšamp;] (ḋâd’ın fethi ve ġayn-ı muʹcemenin sükûnuyla) Birbirine katıp karıştırmak maʹnâsınadır; yukâlu: ضَغَثَ الْحَدِيثَ ضَغْثًا مِنَ الْبَابِ الثَّالِثِ إِذَا خَلَطَهُ Ve devenin semizliğini bilmek için el ile hörgücünü yoklamak maʹnâsınadır; yukâlu: ضَغَثَ السَّنَامَ إِذَا عَرَكَهُ Ve وَرِكٌ [verik] seslenmek maʹnâsınadır; yukâlu: ضَغَثَ الْوَرِكُ إِذَا صَوَّتَ Gerçi cemîʹ-i nüshalarda اَلْوَرِكُ ʹunvânıyladır ki kâf ile mersûmdur ki pöç kemiğine denir, onun seslenmesi bir türlü mülâyim değildir. Gâlibâ اَلْوَرَلُ ʹunvânıyla ki lâm’ladır, keler taʹbîr olunan cânvere şebîh bozumca dedikleri cânver olup aklâm-ı nüssâh tagyîr eylemişlerdir, zîrâ keler gibi o cânver dahi ötüp seslenir. Ve sevb makûlesi nesneyi ihtimâmsızca yaykamak maʹnâsınadır; yukâlu: ضَغَثَ الثَّوْبَ إِذَا غَسَلَهُ وَلَمْ يُنَقِّهِ
اَلضِّغْثُ [eḋ-ḋiġšamp;] (ḋâd’ın kesriyle) Bir avuç ottur ki kurusu ve yaşı karışık ola.
Sitemizde detaylı hızlı ve kolay arama ekranı