اَلضَّفَزُ [eḋ-ḋafez] (fethateynle) Şol arpa bulguruna denir ki deveye ʹalef ederler; kovucuya ضَفَّازٌ [ḋaffâz] ıtlâkı bundan me΄hûzdur, zîrâ arpayı ʹalef eylemek için dövüp hâzır eyledikleri gibi nemmâm dahi makâle-i zûr u melʹaneti hâzır eder.
اَلضَّفْزُ [eḋ-ḋafz] (ḋâd’ın fethi ve fâ’nın sükûnuyla) Deveye bir nesneyi yumak edip yutturmak, ʹalâ-kavlin zoraki yutturmak maʹnâsınadır; yukâlu: ضَفَزَهُ الْبَعِيرَ ضَفْزًا مِنَ الْبَابِ اْلأَوَّلِ إِذَا لَقَمَهُ أَوْ مَعَ كَرَاهَتِهِ ذَلِكَ Ve öteye kakıvermek maʹnâsınadır; yukâlu: ضَفَزَهُ إِذَا دَفَعَهُ Ve cimâʹ eylemek maʹnâsına müstaʹmeldir; yukâlu: ضَفَزَ الْمَرْأَةَ إِذَا جَامَعَهَا Ve seğirtmek maʹnâsınadır; yukâlu: ضَفَزَ الرَّجُلُ إِذَا عَدَا Ve sıçramak maʹnâsınadır; yukâlu: ضَفَزَ إِذَا وَثَبَ Ve kalkımak maʹnâsınadır, ceyran ve şâtır gibi; yukâlu: ضَفَزَ إِذَا قَفَزَ Ve el ile yâhûd ayakla vurmak maʹnâsınadır; yukâlu: ضَفَزَهُ إِذَا ضَرَبَهُ بِيَدِهِ أَوْ بِرِجْلِهِ Ve atın ağzına gem vurmak maʹnâsınadır; yukâlu: ضَفَزَ الْفَرَسَ إِذَا أَدْخَلَ اللِّجَامَ فِي فَمِهِ
Sitemizde detaylı hızlı ve kolay arama ekranı