اَلْعَرْبُ [el-ʹarb] (ʹayn’ın fethi ve râ’nın sükûnuyla ve fethateynle câ΄izdir) Cünbüş ve şevk ve neşât maʹnâsınadır; yukâlu: بِهِ عَرْبٌ أَيْ نَشَاطٌ Ve
عَرْبٌ [ʹarb] (râ’nın sükûnuyla) Yemek, ekl maʹnâsınadır; yukâlu: عَرَبَ الطَّعَامَ عَرْبًا مِنَ الْبَابِ الثَّانِي إِذَا أَكَلَهُ
اَلْعَرَبُ [el-ʹarab] (fethateynle) Miʹde fâsid olmak maʹnâsınadır; yukâlu: عَرِبَتِ الْمَعِدَةُ عَرَبًا مِنَ الْبَابِ الرَّابِعِ إِذَا فَسَدَتْ Ve
عَرَبٌ [ʹarab] Sâfî olan mâ-i kesîre denir ki ismdir. Ve bunda râ’nın kesriyle câ΄izdir. Ve
عَرَبٌ [ʹArab] Nevâhî-i Medîne’den bir nâhiye adıdır. Ve
عَرَبٌ [ʹarab] Yara onulduktan sonra eser ü nişânı bedende kalmak maʹnâsınadır; yukâlu: عَرِبَ الْجُرْحُ عَرَبًا مِنَ الْبَابِ الْمَزْبُورِ إِذَا بَقِيَ أَثَرُهُ بَعْدَ الْبُرْءِ Mü΄ellif bunu tekrâr eylemiştir. Ve neşâtlanıp cünbüşe gelmek maʹnâsınadır; yukâlu: عَرِبَ الرَّجُلُ إِذَا نَشِطَ Ve yara irinlenip şişmek maʹnâsınadır; yukâlu: عَرِبَ الْجُرْحُ اِذَا تَوَرَّمَ وتَقَيَّحَ Ve bir kimsenin miʹdesi fâsid olmak maʹnâsınadır. Ve bu tekrâr değildir, sâbıkta miʹdeye isnâd olunmuştur. yukâlu: عَرِبَ الرَّجُلُ اِذَا فَسَدَتْ مَعِدَتُهُ Ve ırmağın suyu çoğalıp taşkın olmak maʹnâsınadır; yukâlu: عَرِبَ النَّهْرُ إِذَا غَمَرَ Ve kuyunun suyu kesîr olmak maʹnâsınadır; yukâlu: عَرِبَتِ الْبِئْرُ إِذَا كَثُرَ مَاؤُهَا
Sitemizde detaylı hızlı ve kolay arama ekranı