اَلْأَغْيَارُ [el-aġyâr] (hemzenin fethi ve ġayn’ın sükûnuyla) Cemʹidir. Ve
غَيْرُ [ġayr] Bir kelimedir ki onunla bir kelime sıfatlanır ve gâh olur istisnâ için dahi istiʹmâl olunur, sıfat vâkiʹ oldukta mâ-kablinin iʹrâbına tâbiʹ olur. Ve istisnâ için olduğu vaktte إِلَّا dan sonra olan kelimenin iʹrâbıyla muʹreb olur. Ve bunun vechi budur ki غَيْرُ [ġayr] aslında sıfat içindir, istisnâ için olması ʹârızdır. Ferrâ eyitti: Benî Esed’in ve Ḵuḋâʹa’nın baʹzı غَيْرُ [ġayr]ı mansûb ederler, إِلَّا maʹnâsına oldukta gerek kelâm kendiden evvel tamâm olsun gerek olmasın مَا جَاءَنِي غَيْرَكَ وَمَا جَاءَنِي مِنْ أَحَدٍ غَيْرَكَ derler غَيْرُ [ġayr]ın intisâbıyla ve gâh olur ki غَيْرُ [ġayr] لَا maʹnâsına olur, pes bu maʹnâya oldukta hâliyyet üzere mansûb olur; ke-kavlihi taʹâlâ: ﴿فَمَنِ اضْطُرَّ غَيْرَ بَاغٍ وَلَا عَادٍ﴾ (البقرة 173، الأنعام 145، النحل 115) فَمَنِ اضْطُرَّ خَائِفًا لَا بَاغِيًا maʹnâsına. Ve kezâlik kavluhu taʹâlâ: ﴿غَيْرَ نَاظِرِينَ إِنٰيهُ﴾ (الأحزاب 53) Ve kavluhu taʹâlâ: ﴿غَيْرَ مُحِلِّي الصَّيْدِ﴾ (المائدة1)
Sitemizde detaylı hızlı ve kolay arama ekranı