اَلتَّبْنِيقُ [et-tebnîḵ] إِبْنَاقٌ [ibnâḵ] maʹnâsınadır; yukâlu: بَنَّقَ بِمَعْنَى أَبْنَقَ Ve bir yerde mukîm olmak maʹnâsınadır; yukâlu: بَنَّقَ بِالْمَكَانِ إِذَا أَقَامَ Ve sözü perâkende ve şûrîde söylemeyip muntazam ve cemʹiyyetli ve hemvâr söylemek maʹnâsınadır; yukâlu: بَنَّقَ كَلاَمَهُ إِذَا جَمَعَهُ وَسَوَّاهُ Ve yalan düzüp inandırmak için hoşça zînetle sûret vermek maʹnâsınadır; yukâlu: بَنَّقَ كِذْبَةً إِذَا صَنَعَهَا وَزَوَّقَهَا Ve bir kimsenin sırtına kamçı ile vurup balık ağzı gibi uzun yarmak maʹnâsınadır; yukâlu: بَنَّقَ ظَهْرَهُ بِالسَّوْطِ إِذَا قَطَعَهُ Ve bir nesneyi taklîd eylemek maʹnâsınadır; yukâlu: بَنَّقَ الشَّيْءَ إِذَا قَلَّدَهُ Ve gömleğin yâ kaftanın koltukları altlarına hıştek taʹbîr olunan mezkûr parça vurmak maʹnâsınadır; yukâlu: بَنَّقَ الْقَمِيصَ إِذَا جَعَلَ لَهُ بَنِيقَةً Ve ok terkeşinin yukarısını geniş ve açık edip aşağısını dar eylemek maʹnâsınadır; yukâlu: بَنَّقَ الْجَعْبَةَ إِذَا فَرَّجَ أَعْلاَهَا وَضَيَّقَ أَسْفَلَهَا
Sitemizde detaylı hızlı ve kolay arama ekranı