اَلْحَمَامَةُ [el-ḩamâmet] (سَحَابَةٌ [seḩâbet] vezninde) حَمَامٌ [ḩamâm] lafzının müfredidir ki güvercine denir. Ve göğsün ortasına denir. Ve ʹavrete yâhûd güzel ve dil-ber olanına denir; yukâlu: جَاءَتْ حَمَامَةٌ أَيْ مَرْأَةٌ أَوْ جَمِيلَةٌ Ve bir su ismidir. Ve devâbb ve mevâşî kısmının güzîdesine denir. Ve devenin göğüsten yere gelen değirmi mühresine denir. Ve süpürülmüş pâkîze köşk avlusuna denir. Ve kovaya geçirilen makaraya denir. Ve kapı halkasına denir. Ve حَمَامَةُ الْفَرَسِ [ḩamâmetu’l-feres] atın göğsüne denir. Ve
حَمَامَةٌ [Ḩamâmet] İyâs b. Ḵabîṡa’nın ve Ḵurâd b. Zeyd’in feresleri ismidir. Ve Ḩamâme el-Eslemî ve Ḩabîb b. Ḩamâme bunları baʹzılar silsile-i ashâbda zikr eylediler.
Sitemizde detaylı hızlı ve kolay arama ekranı