اَلرُّسْتَاقُ [er-rustâḵ] ve
اَلرُّسْدَاقُ [er-rusdâḵ] رُزْدَاقٌ [ruzdâḵ] vezninde ve mürâdifidir ki şehrin yöresinde olan sevâd ve kurâdan ʹibârettir, ıstılâhımızda il ve kazâ taʹbîr olunur. Sancak kazâyı müştemildir ve vilâyet sancağı müştemildir. Meselâ hâlen karargâhımız olan Üsküdar rustâkı Beykoz ve Bulgurlu ve Kartal ve Şile ve Merdivenliköy ve Kâdîköyü ve sâ΄ir kurâ ve sevâdından ʹibârettir. Ve bunlar nevâhîye münkasımdır. Lisân-ı Türkîde il ve kazâ رُسْتَاقٌ [rustâḵ] demektir. Meselâ Üsküdar ili ve Üsküdar kazâsı taʹbîr olunur; şehr ve kazâ ve sancak iʹtibâr olunur, maʹâ-sâ΄iri’l-mülhakât vilâyet iʹtibâr olunur. Ve رُسْتَاقٌ [rustâḵ] ve رُزْدَاقٌ [ruzdâḵ], rûstâ-yı Fârisî muʹarrebidir.
اَلرُّسْتَاقُ [er-rustâḵ] (râ’nın zammı ve sîn’in sükûnuyla) قُرْطَاسٌ [ḵurṯâs]a mülhaktır, ḵâf’ın zammı ile.
Sitemizde detaylı hızlı ve kolay arama ekranı