اَلزِّبَالُ [ez-zibâl] (كِتَابٌ [kitâb] vezninde) Bal arısının ağzına alıp kovanına götürdüğü şey΄e denir. Ve bununla pek az nâçîz nesneden kinâye ederler; yukâlu: مَا أَصَابَ زِبَالًا أَيْ شَيْئًا Tenvîn tahkîr içindir ve zây’ın zammıyla da câ΄izdir, lâkin Esâs nüshalarında اَلنَّحْلَةُ yerinde mîm’le اَلنَّمْلَةُ ʹunvânıyla mersûm olmakla karıncanın ağzıyla götürdüğü nesnecik demek olur ve muktezâ-yı mâddeye bu akrebdir.
اَلزِّبَالُ [ez-zibâl] (zâ’nın kesriyle) Şol nesnedir ki onu karınca ağzıyla götürür. Ve bu dahi şey΄ maʹnâsına gelir; yukâlu: مَا رَزَأْتُهُ زِبَالًا أَيْ شَيْئًا Ve bu maʹnâ-yı evvelden me΄hûzdur. Ve رَزْءٌ [rez΄] nâkıs kılmak maʹnâsınadır.
Sitemizde detaylı hızlı ve kolay arama ekranı