اَلسَّمَعْمَعُ [es-semaʹmaʹ] (سَفَرْجَلٌ [sefercel] vezninde) Küçük başlı, ʹalâ-kavlin küçük sakallı adama denir; yukâlu: هُوَ سَمَعْمَعٌ أَيِ الصَّغِيرُ الرَّأْسِ أَوِ اللِّحْيَةِ Ve âfet ve dâhiyeye denir. Ve pek ve çabuk ve sebük-pâya denir. Ve bununla kurt sıfatlanır; yukâlu: ذِئْبٌ سَمَعْمَعٌ أَيْ خَفِيفٌ سَرِيعٌ Ve şol hatuna denir ki zevcinin huzûrunda dâ΄imâ çehresini eğip türş-rûluk eder olup ve gıyâbında sûret-i mahabbet izhârıyla derd-i firkatından velvele-sâz-ı nâle vü feryâd olur ola, gerek hakîkî ve gerek suverî olsun ve gerek şübhe ve sû-i zann cihetinden olsun; yukâlu: هِيَ سَمَعْمَعٌ وَهِيَ الْمَرْأَةُ الْكَالِحَةُ فِي وَجْهِ زَوْجِهِ الْمُوَلْوِلَةُ فِي أَثَرِهِ Ve ince bedenli, uzun boylu adama denir; yukâlu: رَجُلٌ سَمَعْمَعٌ أَيِ الطَّوِيلُ الدَّقِيقُ
اَلسَّمَعْمَعُ [es-semaʹmaʹ] (sîn’in ve mîm’lerin fethi ve ʹayn-ı evvelin sükûnuyla) Başı küçük olan, sagîrü’r-re΄s maʹnâsına. Pes bu فَعَلْعَلٌ [faʹalʹal] vezni üzere olur.
Sitemizde detaylı hızlı ve kolay arama ekranı