اَلشُّدَّاخُ [eş-şuddâḣ] (şîn’in zammıyla) طُوَّالٌ [ṯuvvâl] ve طُيَّابٌ [ṯuyyâb] vezninde ki mübâlagadır ve şîn’in fethiyle de baʹzen zebân-zeddir, Yaʹmer b. ʹAmr el-Kinânî lakabıdır, Câhiliyye’de hükkâm-ı ʹArabdan idi; Kaʹbe-i mükerreme tevliyeti husûsunda Ḵuṡayy ile Ḣuzâʹa beyninde nizâʹ vâkiʹ olmakla giderek darb-ı lisân harb-i sinânı mü΄eddî olup bi’l-âhere merkûma mürâcaʹat o dahi dimâ-ı Ḣuzâʹa’yı taht-ı kademine شدخ [şedḣ], yaʹnî heder ve ibtâl ile Ḵuṡayy tarafına hükm etmekle شُدَّاخٌ [Şuddâḣ] ile telkîb ettiler. Esâs’ın beyânına göre ʹArablar شَدَخَ دِمَاءَهُمْ تَحْتَ قَدَمِهِ derler, “Demlerini hedm ve ibtâl etti” maʹnâsına ki zikr olunan gurre-i شَادِخَةٌ [şâdiḣat]tan me΄hûzdur.
Sitemizde detaylı hızlı ve kolay arama ekranı