اَلْفَلَاةُ [el-felât] (حَصَاةٌ [ḩaṡât] vezninde) Şenliksiz beyâbâna denir ki çöl taʹbîr olunur, ʹalâ-kavlin aslâ su eseri olmayan beyâbâna denir yâhûd şol beyâbâna denir ki bir ucundan bir ucuna ekalli deve kısmı dördüncü gün ve eşek ve koyun ve keçi kısmı yedinci gün bâlig olur ola yâhûd geniş sahrâya denir ki ova taʹbîr olunur; cemʹi فَلَا [felâ] gelir, حَصَا [ḩaṡâ] gibi ve فَلَوَاتٌ [felevât] gelir fetehâtla ve فُلِيٌّ [fuliyy] gelir, صُلِيٌّ [ṡuliyy] vezninde ve فِلِيٌّ [filiyy] gelir kesreteynle ve cemʹü’l-cemʹi أَفْلَاءٌ [eflâ΄] gelir; yukâlu: أَخَذُوا الْفَلَاةَ أَيِ الْقَفْرَ أَوِ الْمَفَازَةَ لَا مَاءَ فِيهَا أَوْ أَقَلُّهَا لِلْإِبِلِ رِبْعٌ وَلِلْحَمِيرِ وَالْغَنَمِ غِبٌّ أَوِ الصَّحْرَاءُ الْوَاسِعَةُ Mü΄ellifin burada رِبْعٌ [ribʹ] kavli râ’nın kesriyledir ki deve dördüncü gün varmaktır ve غِبٌّ [ġibb] kavli dahi ġayn’ın kesriyledir ki yedinci gün varmaktan ʹibârettir.
اَلْفَلَاةُ [el-felât] (fâ’nın fethi ve lâm’ın tahfîfiyle) Berriyye, mefâze maʹnâsına.
Sitemizde detaylı hızlı ve kolay arama ekranı