Kamus-ı Muhit - القصير maddesi

اَلْقُصَيْرُ [el-Ḵuṡayr] (زُبَيْرٌ [zubeyr] vezninde) Berriyye-i Mıṡr’dan sâhil-i Baḩr-i Yemen’de bir belde adıdır. Hâlen Ḵune ve Ḵuṡayr şehrleri maʹrûftur; Nîl ile Baḩr-i Ḵulzum beyninde vâkiʹdir, sugûr-ı tisʹa-i Mıṡriyyedendir. Ve

قُصَيْرٌ [Ḵuṡayr] Dimaşḵ kazâsında bir karye ve Yemen’de Cened zâhirinde bir karye ve Cezîre-i Henkâm kurbünde bir cezîre-i sagîre ismidir ki onda makâm-ı ebdâl vardır.

اَلْقَصِيرُ [el-ḵaṡîr] (أَمِيرٌ [emîr] vezninde) Vasftır, kısa nesneye denir. Cemʹi قُصَرَاءُ [ḵuṡarâ΄] ve قِصَارٌ [ḵiṡâr] gelir, كُبَرَاءُ [kuberâ΄] ve كِبَارٌ [kibâr] gibi. Mü΄ennesi قَصِيرَةٌ [ḵaṡîret]tir; cemʹi kezâlik قِصَارٌ [ḵiṡâr]dır ve قِصَارَةٌ [ḵiṡâret]tir hâ’yla. ʹAlâ-kavlin قِصَارَةٌ [ḵiṡâret], قَصِيرَةٌ [ḵaṡîret] maʹnâsınadır ve nevâdirdendir; ve yukâlu: سَيْلٌ قَصِيرٌ إِذَا كَانَ لاَ يَسِيلُ وَادِيًا مُسَمًّى Yaʹnî yüksekçe dereye çıkamayıp engebe ve düzce yerlere sapan sel suyudur. Ve ʹArablar pederi maʹrûf ve nâm-dâr olmakla taʹyîn-i zât u nesebinde hemân pederiyle iktifâ edip ceddini taʹdâd eylemekten müstagnî olan adama قَصِيرُ النَّسَبِ [ḵaṡîru’n-neseb] ıtlâk ederler ve bu beyne’l-ʹArab medâr-ı iftihârdır; mü΄ennesinde قَصِيرَةُ النَّسَبِ [ḵaṡîretu’n-neseb] denir. Ve قَصِيرَةٌ [ḵaṡîret] şol hatuna denir ki hânesinde hıfz ve habs olunup taşra çıkarılmaya; قَصْرٌ [ḵaṡr]dan me΄hûzdur. Ve karîb mevkiʹinde istiʹmâl olunur ve minhu tekûlu: هُوَ ابْنُ عَمِّي قَصْرَةً بِالْفَتْحِ وَيُضَمُّ وَمَقْصُورَةً وَقَصِيرَةً أَيْ دَانِيَ النَّسَبِ Ve mine’l-emsâli: ḣقَصِيرَةٌ مِنْ طَوِيلَةٍḢ [Ve burada] قَصِيرَةٌ [ḵaṡîret]ten murâd تَمْرَةٌ [temret] ve طَوِيلَةٌ [ṯavîlet]ten murâd نَخْلَةٌ [naḣlet]tir; ihtisâr-ı kelâm mevkiʹinde îrâd olunur.

Vankulu Lugatı - القصير maddesi

اَلْقَصِيرُ [el-ḵaṡîr] (ḵâf’ın fethi ve ṡâd’ın kesriyle) طويل [ṯavîl]in mukâbilidir ki kısa demek olur. Ve

قَصِيرُ بْنُ سَعْدٍ اللَّخْمِيُّ [Ḵaṡîr b. Saʹd el-Laḣmî] Ḩužeyme el-Ebreş musâhibi olandır. Ve Ḣuzeyme bir melikin ismidir. Ve

قَصِيرٌ [ḵaṡîr] Şol ata derler ki sâhibi yabanda otlamağa komayıp kendi katında besleye, ziyâde nefîs olduğuna binâ΄en.