اَللَّوْكُ [el-levk] (شَوْكٌ [şevk] vezninde) Ağızda bir nesneyi pek yapça çiğnemek maʹnâsınadır ki gevelemek taʹbîr olunur, ʹalâ-kavlin pek nesneyi çiğnemek yâhûd sakız gibi çiğnemek maʹnâsınadır; yukâlu: لَاكَ الشَّيْءَ يَلُوكُ لَوْكًا إِذَا مَضَغَهُ أَهْوَنَ الْمَضْغِ أَوْ هُوَ مَضْغُ صُلْبٍ أَوْ عَلْكُ الشَّيْءِ Ve at gemini gevmek maʹnâsına müstaʹmeldir; yukâlu: لَاكَ الْفَرَسُ اللِّجَامَ إِذَا مَضَغَهُ Ve adamın ʹırz ve nâmûsuna dokunup dillemek maʹnâsına müstaʹmeldir; yukâlu: هُوَ يَلُوكُ أَعْرَاضَ النَّاسِ أَيْ يَقَعُ فِيهِمْ
اَللَّوْكُ [el-levk] (lâm’ın fethi ve vâv’ın sükûnuyla) Bir nesneyi ağızda döndürmek, çiynemek için; tekûlu: لُكْتُ الشَّيْءَ فِي فَمِي أَلُوكُهُ إِذَا عَلَكْتَهُ Ve at licâmın tahrîk etmeğe dahi derler; yukâlu: لَاكَ الْفَرَسُ اللِّجَامَ Ve
لَوْكٌ [levk] Halkın ʹırzına değmeğe dahi derler; yukâlu: فُلَانٌ يَلُوكُ أَعْرَاضَ النَّاسِ أَيْ يَقَعُ فِيهَا
Sitemizde detaylı hızlı ve kolay arama ekranı