اَللَّيْلَةُالْحُرَّةُ [el-leyletu’l-ḩurret] Her ayın ibtidâ gecesine ıtlâk olunur. Bu münâsebetle dâmâd çelebi, halîlenin ibtidâ leyle-i zifâfta dürresini sakb ve hisârını nakb yaʹnî bikrini izâle eylememiş ise o halîle hakkında بَاتَتْ بِلَيْلَةِ حُرَّةٍ derler izâfetle, kezâlik بِلَيْلَةٍ حُرَّةٍ derler vasfiyyetle. Niteki âhir-i leyâlî-i şehre شَيْبَاءُ [şeybâ΄] denir. İbtidâ gece bikri izâle olunursa, بَاتَتْ بِلَيْلَةٍ شَيْبَاءَ derler, niteki “ش،ي،ب” mâddesinde beyân olundu. Ve kâle fi’l-Esâs yukâlu: بَاتَتْ بِلَيْلَةٍ حُرَّةٍ إِذَا لَمْ تُمَكِّنْ زَوْجَهَا مِنْ قِضَّتِهَا ve yukâlu: بَاتَتْ بِلَيْلَةٍ شَيْبَاءَ إِذَا غَلَبَهَا الزَّوْجُ بِالْإِقْتِضَاضِ كَأَنَّهَا دُهِيَتْ بِأَمْرٍ شَدِيدٍ تَشِيبُ مِنْهُ الذَّوَائِبُ Pes حُرَّةٌ [ḩurret] yaʹnî kerîme olduğu için, gûyâ ki maglûbe olmadı, kezâlik o gece kerîme olduğu için mezbûreyi maglûbe kılmadı.
Sitemizde detaylı hızlı ve kolay arama ekranı