اَلْمُتَقَارِبُ [el-muteḵârib] (ism-i fâʹil bünyesiyle) İnde’l-ʹarûziyyîn bahr-i mahsûs ismidir ki vezni “feʹûlun”dür, sekiz kerre. Ve “feʹûlun feʹûlun feʹal”dür iki kerre. Vetidleri sebeblerine karîb olduğu için مُتَقَارِبٌ [muteḵârib] ile tesmiye olunmuştur. Maʹlûm ola ki bahr-i mezbûr dâ΄ire-i müttefiktendir ve on beşinci bahrdir. İki ʹarûzu müştemildir: biri sahîha ve biri meczüvve-i mahzûfedir. Ve ʹarûz olanın dört darbı vardır; darb-ı evvel sahîhtir ve darb-ı sânî maksûrdur ve darb-ı sâlis mahzûf ve râbiʹ ebterdir. Ve ʹarûz-ı sâniyenin iki darbı vardır; darb-ı evveli kendisine mümâsildir ki meczüvv-i mahzûftur, feʹal kalır ve darb-ı sânî ebterdir. Ve bahr-i mezkûrda zihâf ve zihâf mecrâsına cârî olan ʹillet dörttür: قَبْضٌ [ḵabḋ] ve ثَلْمٌ [šamp;elm] ve serm ثَرْمٌ [šamp;erm] ve حَذْفٌ [ḩažf]tir.
Sitemizde detaylı hızlı ve kolay arama ekranı