اَلْمَسِيلُ [el-mesîl] (مَبِيعٌ [mebîʹ] vezninde) İsm-i mekândır, suyun aktığı yere denir ki geçip gittiği yol olacaktır, reh-güzer-i âb maʹnâsına, niteki مَسَلٌ [mesel] dahi denir fethateynle ki aslı مَسْيِلٌ idi; cemʹi مَسَايِلُ [mesâyil] ve مُسُلٌ [musul] gelir zammeteynle ve أَمْسِلَةٌ [emsilet] gelir, أَرْغِفَةٌ [erġifet] vezninde ve مُسْلَانٌ [muslân] gelir mîm’in zammıyla. Şârihin beyânına göre cümûʹ-ı ahîre şâzdır, gûyâ ki faʹîl vezninde kıyâs olunmuştur. Ve مَسَلٌ [mesel] ki fethateynledir, muhaffeftir.
اَلْمَسِيلُ [el-mesîl] (mîm’in fethi ve sîn’in kesri ve meddiyle) Su akıntısı olan yer, mevziʹ-i seyelân maʹnâsına.
Sitemizde detaylı hızlı ve kolay arama ekranı