اَلْمُشَاشَةُ [el-muşâşet] (ثُمَامَةٌ [šamp;umâmet] vezninde) Çiğnemesi mümkin olan mülâyim kemik başına denir ki kıtırdak taʹbîr olunur. Cemʹ-i cinsi مُشَاشٌ [muşâş]tır. Ve şol toprağı pek arza denir ki onda eşmeler ve kesme kuyular ittihâz olunup ve o arzın verâsında suyun öte neşf eylemesine taş ve kaya gibi hâciz olmakla o eşmeler ve kuyular yağmur suyuyla dolduklarında arz-ı mezbûre suyu kendisine sorup imsâk eylemekle eşmelerden ve kuyulardan bir kova su çekilse arz-ı mezkûre onun yerine sorduğu sudan bir kova ifrâg eder ola. Ve
مُشَاشَةٌ [muşâşet] Arzın cevfine denir; yukâlu: طَرِيقَةٌ مُشَاشَةٌ أَيْ فِيهَا حِجَارَةٌ خَوَّارَةٌ Ve taşı toprağı gevşek yola denir. Ve eşmenin ve kesme kuyunun toprağı pek yerine yâhûd kayasına denir ki suyun gözü onda olmakla kuyuya su ondan tereşşüh eyleye.
اَلْمُشَاشَةُ [el-muşâşet] (mîm’in zammıyla) Şol mülâyim olan kemik başıdır ki çiynemesi mümkindir.
Sitemizde detaylı hızlı ve kolay arama ekranı