اَلْعَجْزُ [el-ʹacz] (ضَرْبٌ [ḋarb] vezninde) ve
اَلْمَعْجِزُ [el-maʹciz] ve
اَلْمَعْجِزَةُ [el-maʹcizet] (mîm’lerin fethi ve cîm’lerin kesri ve fethiyle) ve
اَلْعَجَزَانُ [el-ʹacezân] (fetehâtla) ve
اَلْعُجُوزُ [el-ʹucûz] (قُعُودٌ [ḵuʹûd] vezninde) Zaʹf maʹnâsınadır ki murâd dermânde olmaktır; yukâlu: عَجَزَ عَنْهُ وَعَجِزَ عَجْزًا وَمَعْجِزًا وَمَعْجِزَةً وَعَجَزَانًا وَعُجُوزًا مِنَ الْبَابِ الثَّانِي وَالرَّابِعِ إِذَا ضَعُفَ أَيْ لَمْ يَقْتَدِرْ Ve
عَجْزٌ [ʹacz] Kılıcın balçağına denir, مَقْبِضُ السَّيْفِ [maḵbiḋu’s-seyf] maʹnâsına. Ve bir ʹillet adıdır ki dâbbenin sağrı tarafında zuhûr eder. Şârih bu iki maʹnâda fethateynle tasvîb eylemiştir. Ve
عَجْزٌ [ʹacz] Sebk eylemek maʹnâsınadır, ke-mâ se-yuzkeru. Mü΄ellifin Baṡâ΄ir’de beyânına göre bu mâdde te΄ehhür maʹnâsına mevzûʹ olup maʹânî-i sâ΄ire birer münâsebetle ondan münşaʹibdir.
اَلْمَعْجَزَةُ [el-maʹcezet] (mîm’in ve cîm’in fethiyle) ve
اَلْمَعْجِزَةُ [el-maʹcizet] (cîm’in kesriyle) ve
اَلْمَعْجَزُ [el-maʹcez] (kezâlik mîm’in ve cîm’in fethiyle) Bunlar cemîʹan masdarlardır, عَجْزٌ [ʹacz] maʹnâsına. Ve مَعْجَزٌ [maʹcez]in fethle gelmesi kıyâs üzeredir. Ve fi’l-hadîsi: “لَا تُلِثُّوا بِدَارِ مَعْجِزَةٍ” Yaʹnî “Bir şehrde mukîm olman ki ondan maʹâş müşkil olmağın nefsinizden ʹâciz olasız.”
Sitemizde detaylı hızlı ve kolay arama ekranı