اَلْمُعَرَّصُ [el-muʹarraṡ] (مُعَظَّمٌ [muʹażżam] vezninde) Kurumak için evin ʹarsasına serilmiş ete denir, ʹalâ-kavlin pâre pâre kesilmiş yâhûd külbastı eylemek için âteş koru üzere konup küle karışmakla iyice pişmemiş olanına denir; yukâlu: لَحْمٌ مُعَرَّصٌ إِذَا كَانَ مُلْقًى فِي الْعَرْصَةِ لِيَجِفَّ أَوْ مُقَطَّعٌ أَوْ مُلْقًى عَلَى الْجَمْرِ فَيَخْتَلِطُ بِالرَّمَادِ وَلاَ يَجُودُ نُضْجُهُ Ve şol deveye denir ki sırtı râm ve zelûl olup başı olmaya, yaʹnî burunsalıksız ve yularsız binmeleriyle öylece alışıp arkasına bindirmekte taʹassür eylemeyip lâkin başı sert olmakla elde elde olmaya; yukâlu: بَعِيرٌ مُعَرَّصٌ إِذَا ذَلَّ ظَهْرُهُ لاَ رَأْسُهُ
اَلْمُعَرَّصُ [el-muʹarraṡ] (mîm’in zamm ve râ’nın fethi ve teşdîdiyle) Şol ettir ki kurusun diye zikr olunan meydânda serilmiş ola.
Sitemizde detaylı hızlı ve kolay arama ekranı