اَلنَّوَاخِذَةُ [en-nevâḣižet] (nûn’un fethi ve ḣâ-yı muʹcemenin kesriyle) نَاخُذَاةٌ [nâḣužât] lafzından cemʹdir ki nâḣudâ-yı Fârisî muʹarrebidir ki müllâk-i sefîne yaʹnî gemilerin sâhiblerine denir, yâhûd vükelâsına denir ki gemi ashâbının vekilleridir, kaptan taʹbîr ettikleridir; re΄îse de ıtlâk olunur. Ve ondan fiʹl iştikâkıyla تَنَخَّذَ فُلاَنٌ derler, تَرَأَّسَ vezninde ki “kaptan oldu” maʹnâsına. Maʹlûm ola ki nâhudây kelimesi vasf-ı terkîbî olan nâv-hudâydan muhaffeftir, gemi sâhibi demektir. Fi’l-asl hudây-ı nâv idi, baʹdehu gemi mutasarrıfında gâlib olmuştur; ve minhu; “Mevc-i hatardan olmadı âsâyişe medâr // Tâ yanına oturmuş idim nâ-hudâların”.
Sitemizde detaylı hızlı ve kolay arama ekranı