اَلْهَجِينُ [el-hecîn] (أَمِيرٌ [emîr] vezninde) Le΄îm ve füru-mâyeye denir; yukâlu: هُوَ هَجِينٌ أَيْ لَئِيمٌ Ve pederi ʹArabî ve vâlidesi câriye olan ʹalâ-kavlin pederi ciheti vâlidesi cihetinden hayr ve asîl olan adama denir; cemʹi هُجْنٌ [hucn] gelir hâ’nın zammıyla ve هُجَنَاءُ [hucenâ΄] gelir, أُمَرَاءُ [umerâ΄] vezninde ve هُجْنَانٌ [hucnân] gelir, بُطْنَانٌ [buṯnân] vezninde ve مَهَاجِينُ [mehâcîn] ve مَهَاجِنَةٌ [mehâcinet] gelir. Şârihin beyânına göre bunlar مَحَاسِنُ [meḩâsin] ve مَلَامِحُ [melâmiḩ] kabîlindendir. Mü΄ennesi هَجِينَةٌ [hecînet]tir, cemʹi هُجْنٌ [hucn] gelir hâ’nın zammıyla ve هَجَائِنُ [hecâ΄in] gelir ve هِجَانٌ [hicân] gelir hâ’nın kesriyle; yukâlu: هُوَ هَجِينٌ وَهِيَ هَجِينَةٌ أَيْ عَرَبِيٌّ وُلِدَ مِنْ أَمَةٍ أَوْ مَنْ أَبُوهُ خَيْرٌ مِنْ أُمِّهِ Şârih der ki bu cinse ʹArabın هَجِينٌ [hecîn] ıtlâkı Rûm ve Ṡaḵâlibe cinsinin beyâzlığına kasd iledir. Ve
هَجِينٌ [hecîn] Soyu ve cinsi kerîm olmayan yaʹnî ıstılâhımızda kahîl olmayan ata ve beygire denir; yukâlu: فَرَسٌ وَبِرْذَوْنَةٌ هَجِينٌ أَيْ غَيْرُ عَتِيقٍ Ve ne süt ve ne ağız olan miyâne koyu süte ıtlâk olunur; yukâlu: لَبَنٌ هَجِينٌ أَيْ لَا صَرِيحٌ وَلَا لِبَأٌ
Sitemizde detaylı hızlı ve kolay arama ekranı