Kamus-ı Muhit - الهدء maddesi

الْهَدْءُ [el-hed΄] (hâ’nın fethi ve dâl’ın sükûnuyla) ve

الْهُدُوءُ [el-hudû΄] (قُعُودٌ [ḵuʹûd] vezninde) Hareket ve cereyân üzere olan nesne dinip sükûn u ârâm bulmak maʹnâsınadır, ses ve yel ve su makûlesinin dinmesi gibi; yukâlu: هَدَأَ الشَّيْءُ هَدْءًا وَهُدُوءًا مِنَ الْبَابِ الثَّالِثِ إِذَا سَكَنَ Ve bir mahalde ikâmet eylemek maʹnâsına istiʹmâl olunur; yukâlu: هَدَأَ بِالْمَكَانِ إِذَا قَامَ Ve ölmek maʹnâsına istiʹmâl olunur ki sükûn-ı ebedîdir; yukâlu: هَدَأَ فُلاَنٌ إِذَا مَاتَ

اَلْهُدْءُ [el-hud΄] (hâ’nın zammı ve dâl’ın sükûnuyla) ve

اَلْهَدْءُ [el-hed΄] (hâ’nın fethiyle) ve

اَلْهَدْأَةُ [el-hed΄et] (تَمْرَةٌ [temret] vezninde) ve

اَلْهَدِيءُ [el-hedî΄] (أَمِيرٌ [emîr] vezninde) ve

اَلْمَهْدَأُ [el-mehde΄] (مَسْكَنٌ [mesken] vezninde) ve

اَلْهُدُوءُ [el-hudû΄] (قُعُودٌ [ḵuʹûd] vezninde) Sükûn u ârâm maʹnâsına ismlerdir, baʹdehu gecenin yaʹnî gece içre halkın bi’l-cümle uykuya varıp sît ve sedâları munkatıʹ olmalarıyla sâkin ve ârâm buldukları vaktte ve hâlette istiʹmâl olunmuştur; ve minhu tekûlu: أَتَانَا فُلاَنٌ بَعْدَ هُدْءٍ مِنَ اللَّيْلِ وَهَدْءٍ وَهَدْأَةٍ وَهَدِيءٍ وَمَهْدَإٍ وَهُدُوءٍ أَيْ حِينَ هَدَأَ اللَّيْلُ وَالرِّجْلُ Ve baʹzılar dedi ki هَدْءٌ [hed΄] ve sâ΄iri, gecenin evvelinden sülsüne kadar zamâna ıtlâk olunur ki gecenin ibtidâ-i sükûnudur. Ve

هَدْءٌ [hed΄] هَدْيٌ [hedy] lafzında lügattir ki sîret ve haslet ve meniş maʹnâsınadır; sükûn maʹnâsından me΄hûzdur.

Vankulu Lugatı - الهدء maddesi

اَلْهَدْءُ [el-hed΄] ve

اَلْهُدُوءُ [el-hudû΄] ve

اَلْهُدَاءَةُ [el-hudâ΄et] (bi-fethi’l-hâ΄ fi’l-ûlâ ve zammi’l-hâ΄i ve’d-dâli fi’s-sâniyeti ve fethi’l-hâ΄i ve’l-meddi fi’s-sâlis) Ârâm kılmak; yukâlu: هَدَأَ هَدْءًا وَهُدُوءًا وَهُدَاءَةً مِنَ الْبَابِ الثَّالِثِ أَيْ سَكَنَ Ve sükûn maʹnâsından me΄hûzdur; أَتَانَا فُلَانٌ وَقَدْ هَدَأَتِ الرِّجْلُ dedikleri yaʹnî geç vakt oldu ayaklar sâkin olduğundan ve أَتَانَا وَقَدْ هَدَأَتِ الْعُيُونُ ve أَتَانَا فُلَانٌ هُدُوءًا derler kaçan ki bir uykudan sonra gelse ve بَعْدَ هُدْءٍ مِنَ اللَّيْلِ ve بَعْدَ هُدْأَةٍ مِنَ اللَّيْلِ dedikleri geceden bir kıtʹa geçtikten sonra ve بَعْدَمَا هَدَأَ النَّاسُ derler halk uykuya vardıktan sonra maʹnâsına.