حِزْقِيلٌ [Ḩizḵîl] (زِنْبِيلٌ [zinbîl] veznindedir) Enbiyâ-yı ʹizâmdan bir peygamber-i zî-şânın ismidir, salavâtullâhi ʹalâ-nebiyyinâ ve ʹaleyhim ecmaʹîn. Şârih der ki peygamber-i müşârünileyh Benî İsrâ΄îl enbiyâlarındandır, Hazret-i Mûsâ intikâlinden sonra Hazret-i Yûşaʹ b. Nûn kâ΄im olup baʹdehu Kâlib ve baʹdehu Ḩizkîl kâ΄im olmuştur. Kavmine tâʹûn isâbet eylemekle ülûf yaʹnî be-gâyet kesîr olarak diyârlarından hurûc eylediler. Baʹdehu cümlesi bir vâdîye gelip onda ârâm ederler iken Hak celle ve ʹalâ mecmûʹunu birden ihlâk ve baʹdehu Hazret-i Ḩizḵîl duʹâsıyla ʹale’l-ʹumûm ihyâ eyledi.
Sitemizde detaylı hızlı ve kolay arama ekranı