حِلْفُ الْفُضُولِ [ḩilfu’l-fuḋûl] (fâ’nın zammıyla ki) İşbu “شَهِدْتُ فِي دَارِ عَبْدِ اللهِ بْنِ جُدْعَانَ حِلْفًا لَوْ دُعِيتُ إِلَى مِثْلِهِ فِي الْإِسْلَامِ لَأَجَبْتُ” hadîsinde vârid olmuştur, şol ʹahd ve yemînden ʹibârettir ki Mekke’ye vürûd eden baʹzı tüccâr makûlesine baʹzı ahâlî cevr ve ezâ etmeleriyle bir gün rü΄esâ-yı Ḵureyş’ten Hâşim ve Zuhre ve Teym nâm kimseler ʹAbdullâh b. Cudʹân hânesine gelip min-baʹd zulmün refʹi ve zâlimden mazlûmun hakkının ahzı ve fudulûn reddi zımnında ʹakd-i ʹahd ü yemîn eylediler. Bu münâsebetle حِلْفُ الْفُضُولِ [ḩilfu’l-fuḋûl] ıtlâk olundu.
Sitemizde detaylı hızlı ve kolay arama ekranı