Mütercim der ki Ḩarîrî’nin on ikinci makâmede فَادَّلَجْتُ فِي الدَّسْكَرَةِ ʹibâretinde bi’l-cümle şürrâhın beyânı üzere دَسْكَرَةٌ [deskeret] mâḣûr yaʹnî bâbulluk dedikleri harâbâta ve mey-hâneye denir. Kezâlik kalʹa etrâfında varoş dediklerine denir ki mahallât ve büyûtu müştemildir. Pes mü΄ellifin murâdı yine varoş olacaktır, lâkin kasra teşebbühünün çendân maʹnâsı münfehim olmamıştır. İntehâ. Ve
دَسْكَرَةٌ [Deskeret] Nehru’l-melik kazâsında bir karye adıdır; rü΄esâ-yı üdebâdan Manṡûr b. Aḩmed b. el-Ḩuseyn ed-Deskerî oradandır. Kezâlik Şehrâbân kurbünde bir karye adıdır; Ḣatîb-i Baġdâdî şeyhi Aḩmed b. Bekrûn oradandır. Ve Baġdâd ile Vâsiṯ beyninde bir karye adıdır; muhaddisînden Ebân b. Ebî Ḩamza oradandır. Ve Ḣûzistân kazâsında bir karye adıdır.
Sitemizde detaylı hızlı ve kolay arama ekranı