اَلسَّحْجُ [es-saḩc] (sîn’in fethi ve ḩâ-yı mühmelenin sükûnuyla) Bir nesnenin derisini yâhûd kabuğunu sıyırıp soymak maʹnâsınadır; yukâlu: سَحَجَهُ سَحْجًا مِنَ الْبَابِ الثَّالِثِ إِذَا قَشَرَهُ ve yukâlu: أَصَابَهُ شَيْءٌ فَسَحَجَ وَجْهَهُ Yaʹnî “Ona bir nesne dokunmakla yüzünün derisini sıyırıp soydu.” Ve
سَحْجٌ [saḩc] Başın saçını âhestece taramak maʹnâsınadır; yukâlu: سَحَجَ فَرْوَةَ رَأْسِهِ إِذَا سَرَّحَهُ لَيِّنًا Ve tîz tîz yürümek maʹnâsınadır; yukâlu: مَرَّ يَسْحَجُ أَيْ يُسْرِعُ Ve dâbbeye mahsûs bir nevʹ seğirtmek maʹnâsınadır ki pek seğirtmekten dûn olur ki ling seğirtmesi olacaktır; yukâlu: سَحَجَ الْفَرَسُ إِذَا جَرَى دُونَ الشَّدِيدِ
Sitemizde detaylı hızlı ve kolay arama ekranı