سُهَيْلٌ [Suheyl] (زُبَيْرٌ [zubeyr] vezninde) Endelus’te bir hısn ismidir. Ve yine orada bir vâdî adıdır. Ve bir kevkeb ismidir ki tulûʹunda bi’l-cümle fevâkih nuzc bulup ve şiddet-i harr-i havâ münkazî olur; bu kevkeb diyâr-ı Yemen’de mer΄î olduğu için sitâre-i Yemenî taʹbîr ederler. Mütercim der ki Yemen halkından mesmûʹumuzdur ki gerek elma makûlesi kırmızı renkli meyveler ve sâ΄ir o renkte olan eşyâ΄ bi-iznihi taʹâlâ o kevkebin tulûʹunda renk-pezîr olup hattâ kırmızıya boyayacak sahtiyânları hâzır edip tulûʹu onda boyaya vazʹ ederler imiş. Ve ʹakîk dedikleri taş kezâlik ondan renk alır imiş, fe-subhâne’l-kâdir. Ve Suheyl b. Râfiʹ ve Suheyl b. ʹAmr el-Enṡârî ve Suheyl b. Beyḋâ΄ ve Suheyl b. ʹÂmir ve Suheyl b. ʹAmr el-Ḵureşî ve Suheyl b. ʹAdiyy sahâbelerdir. Ve Suheyl b. Ebî Ḩazm ve Suheyl b. Ebî Ṡâliḩ muhaddis-i zaʹîflerdir.
سُهَيْلٌ [suheyl] (sîn’in zammı ve hâ’nın fethi ve yâ’nın sükûnuyla) Bir yıldızın ismidir ki maʹrûftur.
Sitemizde detaylı hızlı ve kolay arama ekranı