غَوْرَثٌ [Ġavrešamp;] (جَوْهَرٌ [cevher] vezninde) İbnu’l-Ḩârišamp;’tir ki bir gazvede Nebiyy-i bi’s-seyf ʹaleyhi’s-salâtu ve’s-selâm hazretlerinin ʹale’l-gafle kılıçlarını sıyırıp cellâd-vâr taraf-ı nebevîye kasd ve hücûm eylediği anda Hazret-i Bârî ʹazze şânuhu mezbûrun ketifeyni beyninde şîrpençe nevʹinden زُلَّخَةٌ [zulleḣat] dedikleri cirâhati ihdâs eylemekle mütezelzil olup zemîne ser-nigûn olmuştur. Vakʹa-i mezbûrenin mülahhası budur ki gazve-i Zâtu’r-ruḵâʹda Fahr-i ʹâlem sallallâhu ʹaleyhi ve sellem hazretleri bir şecer sâyesine nüzûl ve seyfini şâh-ı şecere taʹlîk edip tenhâca râhat-güzîn iken mezbûr Ġavrešamp; bir takrîble ser-vakt-i ʹâlîlerine rehyâb olup hemân ağaçtan tîgi ahz ve وَمَنْ يَمْنَعُكَ مِنِّي diye havâle eyledikte Hazret-i Resûlullâh dahi اَللهُ diyicek fi’l-hâl Cibrîl-i Emîn mezbûrun ketifeyni beynine darb eylemekle şîrpençe hudûs ve yüzü üzere zemîne mefrûş oldu. Hazret-i Risâlet-penâh o tîg-i ciger-gâhı alıp وَمَنْ يَمْنَعُكَ مِنِّي diye havâle buyurdukta tazallüm ve istirhâm eylemekle tahliye-i sebîl buyurdular. Tercememiz olan siyer-i muʹteberde ismi دَعْثُورُ [Daʹšamp;ûr] ve lakabı غَوْرَثٌ [Ġavrešamp;] olmak üzere mersûm olup baʹde-zemân şeref-yâb-ı İslâm olduğu merkûmdur.
Sitemizde detaylı hızlı ve kolay arama ekranı