اَلْمُرْغَادُّ [el-murġâdd] (mîm’in zammı ve dâl’ın teşdîdiyle) إِرْغِيدَادٌ [irġîdâd] lafzından ism-i fâʹildir, şol dargın adama denir ki gazabından cevâb vermez ola; yukâlu: هُوَ مُرْغَادٌّ أَيْ غَضْبَانُ لاَ يُجِيبُكَ Ve şol hastaya denir ki ʹilleti henüz pek müştedd olmayıp lâkin vücûdunda sarsılma peydâ ola; yukâlu: مَرِيضٌ مُرْغَادٌّ إِذَا كَانَ لَمْ يُجْهَدْ وَفِيهِ ضَعْضَعَةٌ Kâle’ş-şârih: قَالَ النَّضْرُ يُقَالُ اِرْغَادَّ الرَّجُلُ فَهُوَ مُرْغَادٌّ وَهُوَ الَّذِي بَدَأَ بِهِ الْوَجَعُ فَأَنْتَ تَرَى فِيهِ يُبْسًا وَفَتْرَةً وَضَعْضَعَةً Ve
مُرْغَادُّ [murġâdd] Gereği gibi uykusunu istîfâ eylemeksizin bîdâr olmuş kimseye denir ki henüz hamyâzesi ve uyuşukluğu bâkî olur; yukâlu: نَائِمٌ مُرْغَادٌّ إِذَا لَمْ يَقْضِ كَرَاهُ Ve şol kimseye denir ki bir husûs için re΄y ve tedbîrinde şekk ve tereddüd üzere olup ne gûne re΄y ve ne türlü hareket edeceğini bilmez ola; yukâlu: رَجُلٌ مُرْغَادٌّ أَيْ شَاكٌّ فِي رَأْيِهِ لاَ يَدْرِي كَيْفَ يُصْدِرُهُ Kezâlik her şûrîde ve muhtelit ve perîşân olan şey΄e مُرْغَادٌّ [murġâdd] denir. Masdarı إِرْغِيدَادٌ [irġîdâd]dır ki zikr olundu.
Sitemizde detaylı hızlı ve kolay arama ekranı