mizlâc ~ مِزْلَاجٌ

Kamus-ı Muhit - مزلاج maddesi

اَلْمِزْلاَجُ [el-mizlâc] (مِفْتَاحٌ [miftâḩ] vezninde) ve

اَلزِّلاَجُ [ez-zilâc] (كِتَابٌ [kitâb] vezninde) مِغْلاَقٌ [miġlâḵ] maʹnâsınadır ki kilîde denir, lâkin مِزْلاَجٌ [mizlâc] el ile açılıp anahtara muhtâc olmayan ve مِغْلاَقٌ [miġlâḵ] ancak anahtar ile açılır olan kilîde mahsûstur. Esâs’ta ilgâz tarîkiyle: يُقَالُ اَلْمِزْلاَجُ يُغْلَقُ بِهِ الْبَابُ وَلاَ يُغْلَقُ ʹibâretiyle kavl-i mezbûru telmîh eylemiştir, fe’fhem. Ve

مِزْلاَجٌ [mizlâc] Sağrısı etsiz ve arık olan hatuna ıtlâk olunur; yukâlu: إِمْرَأَةٌ مِزْلاَجٌ أَيْ رَسْحَاءُ

Vankulu Lugatı - مزلاج maddesi

اَلْمِزْلَاجُ [el-mizlâc] (mîm’in kesriyle) Kilîddir, مِغْلَاقٌ [miġlâḵ] maʹnâsına, illâ مِزْلَاجٌ [mizlâc] el ile açılır ve مِغْلَاقٌ [miġlâḵ] مِفْتَاحٌ [miftâḩ]tan gayrıyla açılmaz; tekûlu: أَزْلَجْتُ الْبَابَ إِذَا أَغْلَقْتَهُ Ve

مِزْلَاجٌ [mizlâc] Şol ʹavrettir ki sağrısı arık ola; tekûlu: هَذِهِ مِزْلَاجٌ إِذَا كَانَتْ رَسْحَاءَ Ve رَسْحَاءُ [resḩâ΄] râ-i mühmele ile ve sîn-i mühmele ve ḩâ-i mühmele ile zikr olunan sıfatla mevsûfe olan ʹavrettir.

Sıradaki Maddeler

Arama ekranı

Sitemizde detaylı hızlı ve kolay arama ekranı