اَلْبَهَقُ [el-behaḵ] (fethateynle) İnsâna ʹârız olur bir ʹillet adıdır iki gûne olur: beyâzı olur ki zâhir-i beşereye ʹârız yufkaca beyâzdır, ʹuzvun sû-i mizâcdan bürûdete varıp ve balgamın dem üzere galebesinden neş΄et eder. Ve bir nevʹi esved olur ki mirre-i sevdânın deme muhâlatından ʹârız olup beşereyi karamtık eder. İşbu بَهَقٌ [behaḵ] ve بَرَصٌ [beraṡ] ʹilletleri zâhir-i beşereye ʹârız ʹilletlerdir. ʹUzva gıdâ olan nesnede lüzûcetli balgamı olsa dâ΄imâ ʹuzv onu gıdâlanıp defʹ eylemese ondan بَهَقٌ [behaḵ] ve بَرَصٌ [beraṡ] hâsıl olur. İkisi de benek benek olur. Ve farkları budur ki بَرَصٌ [beraṡ]ın mâddesi ʹuzvun içinde olup cemîʹ-i lahmı ifsâd ve tagyîr eder. Ve بَهَقٌ [behaḵ]ın mâddesi deride ve zâhir-i bedende olur. Ve gâhca dem-i sevdâvîden بَهَقٌ [behaḵ]-ı esved ʹârız olur ve gâh sarıya ve gâh kırmızıya mâ΄il olur. Ve üzerine bir iğne sokuldukta eğer kan çıkarsa بَهَقٌ [behaḵ] ve eğer beyâza mâ΄il veyâ beyâz çıkarsa بَرَصٌ [beraṡ]tır. İkisine de Türkîde abraşlık taʹbîr olur. Şârihin beyânına göre behek-i Fârisî muʹarrebidir.
اَلْبَهَقُ [el-behaḵ] (fethateynle) Şol beyâzdır ki bedene ʹârız olup şol levni tagyîr eder ki بَرَصٌ [beraṡ]tan değildir.
Sitemizde detaylı hızlı ve kolay arama ekranı