اَلدَّافِعُ [ed-dâfiʹ] ve
اَلدَّافِعَةُ [ed-dâfiʹat] ve
اَلْمِدْفَاعُ [el-midfâʹ] (مِحْرَابٌ [miḩrâb] vezninde) Şol nâkaya denir ki doğurmazdan mukaddemce ağızı memesinden püskürüp defʹ eder ola; yukâlu: نَاقَةٌ دَافِعٌ وَدَافِعَةٌ وَمِدْفَاعٌ إِذَا كَانَتْ تَدْفَعُ اللِّبَاءَ فِي ضَرْعِهَا قُبَيْلَ النِّتَاجِ
اَلدَّافِعُ [ed-dâfiʹ] (fâ’nın kesriyle) Şol koyun yâhûd şol devedir ki doğurmazdan evvel süt vere; yukâlu: دَفَعَتِ الشَّاةُ إِذَا أَضْرَعْتَ عَلَى رَأْسِ الْوَلَدِ Ve إِضْرَاعٌ [iḋrâʹ] ḋâd-ı muʹceme ile doğurmazdan evvel süt vermektir. Ve bu takrîrden fehm olunur ki دَفْعٌ [defʹ] bu mahalde iʹtâ maʹnâsına olur, egerçi sâhib-i Ṡurâḩ menʹ maʹnâsına haml edip دَافِعٌ [dâfiʹ] “mîş yâ nâka ki felle bâz gîred der pistân” demiştir. Ve “felle” sütten ibtidâ sağılan nesneye derler, ağız maʹnâsına.
Sitemizde detaylı hızlı ve kolay arama ekranı