Kamus-ı Muhit - الزوراء maddesi

اَلزَّوْرَاءُ [ez-zevrâ΄] (حَمْرَاءُ [ḩamrâ΄] vezninde) Uḩayḩa b. el-Culâḩ el-Enṡârî’nin ʹuhde-i temellükünde olan mâl yaʹnî devâbb ve mevâşînin ismidir. Ve

زَوْرَاءُ [zevrâ΄] Pek derin kuyuya ıtlâk olunur, ifâzadan mâ΄il olduğu için; yukâlu: بِئْرٌ زَوْرَاءُ أَيْ بَعِيدَةٌ Ve su ve şerbet içecek kadehe denir. Ve gümüş zarfa ve inâya denir. Ve yaya ıtlâk olunur; yukâlu: رَمَى بِالزَّوْرَاءِ أَيِ الْقَوْسِ Ve nehr-i Dicle’ye ıtlâk olunur, eğri büğrü cârî olduğu için. Ve şehr-i Baġdâd’a ıtlâk olunur, zîrâ ebvâb-ı dâhiliyyesi hâriciyyeden müzevver ve mâ΄ildir. Ve Medîne’de Mescid-i şerîf’e karîb bir mevziʹ adıdır. Ve Ḩîre şehrinde bir sarâyın ismidir. Ve arz-ı baʹîdeye ıtlâk olunur, vusûlden mâ΄il olduğu için; yukâlu: أَرْضٌ وَفَلاَةٌ زَوْرَاءُ أَيْ بَعِيدَةٌ Ve

زَوْرَاءُ [Zevrâ΄] Žû Ḣîm nâm mevziʹ yanında bir arzın ismidir. Ve ʹOšamp;mân radıyallâhu ʹanhu hazretlerinin dâr ve sarâyları adıdır.

Vankulu Lugatı - الزوراء maddesi

اَلزَّوْرَاءُ [ez-zevrâ΄] (zâ’nın fethiyle ve vâv’ın sükûnuyla ve elifin meddiyle) Şol mâlın ismidir ki Uḩayḩa b. el-Ḩallâc el-Enṡârî’nin idi, gûyâ ki onun hayvânâtı gâyet kesrette idi, zîrâ زَوْرٌ [zevr] şol kuyuya derler ki dibi derin ola, بَعِيدَةُ الْقَعْرِ maʹnâsına. Ve ırak yere dahi derler; yukâlu: أَرْضٌ زَوْرَاءُ أَيْ بَعِيدَةٌ ve

زَوْرَاءُ [zevrâ΄] Kadehe dahi derler. Ve yaya dahi زَوْرَاءُ [zevrâ΄] derler, meyli olduğu için. Ve Dicle-i Baġdâd’a dahi زَوْرَاءُ [Zevrâ΄] derler.