اَلزَّقُّومُ [ez-zaḵḵûm] (تَنُّورٌ [tennûr] vezninde) Bir türlü taʹâma denir ki hurmâ ile kaymaktan tertîb olunur. Ve
زَقُّومٌ [zaḵḵûm] Cehennemde bir şecerin ismidir. Ve bâdiyede nâbit bir nebât adıdır ki yâsemin tarzında çiçekleri olur, Türkîde dahi zakkûm ağacı taʹbîr olunur, hâlen nümâyişi için bâgçelerde dahi yetiştirilmiştir. Ve
زَقُّومٌ [zaḵḵûm] Ehl-i cehennemin taʹâmına denir. Ve Ġavr bilâdından Erîḩâ΄ nâm beldeye mahsûs bir şecer adıdır. Müfredâtın beyânına göre şecer-i evvelden bir nevʹdir ki Ḩicâzî ve Şâmî olur; Ḩicâzî nevʹ-i evvel ve Şâmî bu nevʹdir.Hurmâya şebîh meyvesi olur, hulv ve bir mikdârca ʹufûsatlı olur. Ve çekirdeğinden istihrâc olunan dühn riyâh-ı bârideyi ve mevâdd-ı balgamiyyeyi ve evcâʹ-ı mefâsılı tahlîl ve nikris ve ʹırku’n-nesâ ve kalça içlerinde olan rîhi izâle eylemekte ʹazîmü’l-menâfiʹ ve ʹacîbü’l-eserdir. Ve mikdâr-ı şerbeti üç yâhûd beş güne kadar yedişer dirhemdir. Ve gâh olur ki kötürümleri ayağa kaldırır. Ve derler ki bu fi’l-asl ihlîlec-i kâbülî olup Benû Umeyye Hindistân’dan celb ve Erîḩâ΄ arzında zerʹ ve gars eylediler, giderek arz-ı mezbûre tabîʹatini tagyîr eylemekle bu sûrete münkalib oldu.
اَلزَّقُّومُ [ez-zaḵḵûm] (zâ’nın fethi ve ḵâf’ın zammı ve teşdîdiyle) ʹArab taʹâmlarından bir taʹâmın ismidir ki o hurmâyla kaymaktan olur.
Sitemizde detaylı hızlı ve kolay arama ekranı