اَلرَّضْفُ [er-raḋf] (râ’nın fethi ve ḋâd-ı muʹcemenin sükûnuyla) ve
اَلْمِرْضَافَةُ [el-mirḋâfet] (mîm’in kesriyle) Şol kızgın taşa denir ki bâdiye ʹArabları sütün içine bırakmakla sütü kızdırırlar; yukâlu: أَوْغَرَ اللَّبَنَ بِالرَّضْفِ وَالْمِرْضَافَةِ وَهِيَ الْحِجَارَةُ الْمُحْمَاةُ يُوغَرُ بِهَا اللَّبَنُ Ve
رَضْفٌ [raḋf] Sokuşturma diz kemiklerine denir ki birbirine yanaşı parmak tarzında olur. Ve bu kemikler at kısmının كُرَاعٌ [kurâʹ]ı ile ذِرَاعٌ [žirâʹ]ı beyninde olur. Müfredi رَضْفَةٌ [raḋfet]tir, تَمْرَةٌ [temret] vezninde ve fetehâtla lügattır. Ve
رَضْفٌ [raḋf] Masdar olur, zikr olunan kızgın taşla dâglamak maʹnâsına; yukâlu: رَضَفَهُ رَضْفًا مِنَ الْبَابِ الثَّانِي إِذَا كَوَاهُ بِالرَّضْفَةِ Ve çımkırmak maʹnâsınadır; yukâlu: رَضَفَهُ بِسَلْحِهِ إِذَا رَمَى Ve bir nesneyi büküp iki kat eylemek maʹnâsınadır; yukâlu: رَضَفَ الْوِسَادَةَ إِذَا ثَنَاهَا
Sitemizde detaylı hızlı ve kolay arama ekranı