Kamus-ı Muhit - المريطاء maddesi

اَلْمُرَيْطَاءُ [el-mureyṯâ΄] (mîm’in zammıyla غُبَيْرَاءُ [ġubeyrâ΄] vezninde) Göbek ile ʹalâ-kavlin göğüs ile kasığın mâ-beynine denir. ʹAlâ-kavlin göbek ile kasık beyninde olan zar gibi yufka deriye denir. Yâhûd iki damar ismidir ki batnın dâhilinde olan zarda vâkiʹdir; haykırıp çağıran kimse onlara iʹtimâd eder ki âvâzın şiddetle ihrâcının menbaʹ-ı kuvveti olacaktır. Kâle’ş-şârih وَمِنْهُ حَدِيثُ عُمَرَ لِأَبِي مَحْذُورَةَ وَقَدْ رَفَعَ صَوْتَهُ بِالْأَذَانِ ḣأَمَا خَشِيتَ أَنْ تَنْشَقَّ مُرَيْطَاؤُكَḢ وَهِيَ مَا بَيْنَ السُّرَّةِ أَوِ الصَّدْرِ إِلَى الْعَانَةِ أَوْ جِلْدَةٌ رَقِيقَةٌ بَيْنَهُمَا أَوْ عِرْقَانِ يَعْتَمِدُ عَلَيْهِمَا الصَّائِحُ Ve bu fi’l-asl مَرْطَاءُ [merṯâ΄] lafzının musaggarıdır ki tüysüz hatuna denir. Ve

مُرَيْطَاءُ [mureyṯâ΄] Alt dudaktan burun tarafına doğru kılsız yere denir ki ağzın iki yanlarına doğrudur, bıyıkların uçları oranın üzerinde olur; iki tarafına مُرَيْطَاوَانِ [mureyṯâvân] denir. Ve alt çenede enek üzere alt dudağın altında عَنْفَقَةٌ [ʹanfeḵat] dedikleri sakal pâresini ihâta eden iki cânibli açık tüysüz yere denir. İki tarafına مُرَيْطَاوَانِ [mureyṯâvân] denir ve buna مِرْطَاوَانِ [mirṯâvân] dahi denir mîm’in kesriyle. Ve

مُرَيْطَاءُ [mureyṯâ΄] Koltuğa denir, إِبْطٌ [ibṯ] maʹnâsına, tüysüz olduğu için.

Vankulu Lugatı - المريطاء maddesi

اَلْمُرَيْطَاءُ [el-murayṯâ΄] (mîm’in zammı ve râ’nın fethi ve yâ’nın sükûnu ve elifin meddiyle) Göbek ile kasığın mâ-beynidir. Ve minhu kavlu ʹÖmer li-Ebî Maḩžûre radıyallâhu ʹanhu hîne ezzene ve refeʹa savtehu: “أَمَا خَشِيتَ أَنْ تَنْشَقَّ مُرَيْطَاؤُكَ” Yaʹnî zarar-ı mezkûrdan havf etmedin mi. Ve baʹzı nüshada أَنْ تَنْفَتِقَ vâkiʹ olmuştur أَنْ تَنْشَقَّ yerine.