اَلزَّبَّاءُ [ez-zebbâ΄] (zây’ın fethi ve bâ’nın teşdîdiyle) أَزَبُّ [ezebb] kelimesinden mü΄ennestir. Bu münâsebetle إِسْتٌ [ist] ve مَقْعَدٌ [maḵʹad]a ıtlâk olunur, kesîretü’ş-şa΄r olduğu için. Ve şedîd ve münker olan dâhiyeye ıtlâk olunur; yukâlu: دَاهِيَةٌ زَبَّاءُ أَيْ شَدِيدَةٌ Nehr-i Furât sâhilinde bir belde adıdır. Ve Ṯayyi΄ kabîlesinden Uṡaydif nâm kimsenin feresi ismidir. Ve Ṯuheyye kabîlesi yurdunda bir su adıdır. Ve
زَبَّاءُ [zebbâ΄] Selefte cezîre-i İbn ʹÖmer melikesi olan bir hatun lakabıdır. Mezbûre mülûk-i tavâ΄iften maʹdûdedir. Gîsûsu pek tavîl ve firâvân olması bâ΄is-i telkîbdir. Melik-i Ḩîre vü Enbâr olan Cežîme el-Abraş mûmâileyhânın pederini katl ve memleketine istîlâ eyledikten sonra mûmâileyhâ cidd ü saʹy-ı bî-kerân ile yine memleketini âverde-i kabza-i teshîr ve bir takrîble Cežîme’yi katl ve tedmîr eylemiştir. Kıssası tevârîh ve emsâlde meşrûhadır.لأَمْرٍ مَا جَدَعَ قَصِيرٌ أَنْفَهُ meseli o kıssa eczâsındandır. Ve
زَبَّاءُ [Zebbâ΄] Benû Suleyṯ cemâʹatine mahsûs bir su adıdır. Ve Yemâme’de bir çeşme adıdır.
Sitemizde detaylı hızlı ve kolay arama ekranı