زَوْبَرُ [Zevber] (جَوْهَرٌ [cevher] vezninde) Muṯayr b. el-Eşyem nâm kimsenin ve Cumayḩ ile mülakkab Munḵiž b. eṯ-Ṯammâḩ nâm kimsenin ve karındaşı ʹUrfuṯa’nın feresleri ismidir. Ve
زَوْبَرٌ [zevber] ve
زَبَرٌ [zeber] fethateynle ve
زَبَوْبَرٌ [zebevber] (صَنَوْبَرٌ [ṡanevber] vezninde) Hep ve götürü maʹnâsınadır; yukâlu: أَخَذَهُ بَزَوْبَرِهِ وَزَبَرِهِ وَزَبَوْبَرِهِ أَيْ أَجْمَعَ ve yukâlu: رَجَعَ بِزَوْبَرِهِ بِالْفَتْحِ إِذَا لَمْ يُصِبْ شَيْئًا Bu iki maʹnâ dahi شَعْرٌ مُجْتَمِعٌ عَلَى الْكَاهِلِ maʹnâsından münşaʹibdir ki gûyâ tüyleri tutamıyla almış gibidir ve ikincide gûyâ ki eline işe yaramaz bir tutam tüyden gayrı nesne geçmedi demek olur. Ve
زَوْبَرٌ [zevber] (جَوْهَرٌ [cevher] vezninde) ve
زُؤْبُرٌ [zu΄bur] (قُنْفُذٌ [ḵunfuž] vezninde) زِئْبِرٌ [zi΄bir] maʹnâsınadır ki mü΄ellife göre esvâb pürüzüdür.
Sitemizde detaylı hızlı ve kolay arama ekranı