Kamus-ı Muhit - ريان maddesi

اَلرَّيَّانُ [er-reyyân] (شَدَّادٌ [şeddâd] vezninde) Suya kanmış, sîr-âb maʹnâsına sıfattır; mü΄ennesi رَيًّا [reyyâ]dır kasr ile, cemʹi رِوَاءٌ [rivâ΄] gelir râ’nın kesriyle. Ve

جَبَلُ الرَّيَّانِ [Cebelu’r-Reyyân] Ṯayyi΄ kabîlesi bilâdında bir dağdır, ondan hemîşe su seyelân eylemekle ıtlâk olundu. Bundan başka bilâd-ı mezkûrda bir siyâh ve ʹazîm dağın adıdır. Ve

رَيَّانُ [Reyyân] Nese΄ kazâsında bir karye adıdır; muhaddisînden Muḩammed b. Aḩmed b. Ebî ʹAvn oradandır; bunu yâ’nın tahfîfiyle zabt edenler galat eylediler. Ve Medîne’de bir kule adıdır. Ve Ḩummâ Ḋariyye’de bir dere adıdır. Ve Diyâr-ı Benî ʹÂmir’de bir dağın adıdır. Ve Yemâme’de bir karye ve Baġdâd’da bir mahalle adıdır; aʹlâmdan İbnu’t-Tell demekle maʹrûf Hibetullâh b. el-Ḩuseyn ve ʹAbdullâh b. Meʹâlî oradandır. Ve Maʹdin-i Benî Suleym kurbünde bir mevziʹdir. Ve Reyyân er-Râsibî ve Reyyân b. Muslim ve Ḩaccâc b. Reyyân ve ʹÖmer b. Yûsuf b. Reyyân muhaddislerdir. Ve Reyyân ile müsemmâ olanların ekseri mezkûrlardan mâ-ʹadâ muʹarreflerdir.

Vankulu Lugatı - ريان maddesi

اَلرَّيَّا [er-reyyâ] (râ’nın fethi ve yâ’nın teşdîdi ve elifin kasrıyla) Mü΄ennesi. Yâ bunda vâv’a kalb olunup رَوَى demediler zîrâ yâ’yı vâv’a ism olup mevziʹ-i lâm’da vâkiʹ oldukta kalb ederler sıfat oldukta kalb etmezler, ke-kavlike شَرْوَى هَذَا الثَّوْبُ فَإِنَّهَا مِنْ شَرَيْتُ وَتَقْوَى فَإِنَّهَا مِنَ التُّقْيَةِ Ve

رَيَّانُ [Reyyân] Bir dağın dahi ismidir, Benî ʹÂmir vilâyetinde.