اَلسُّخْرِيُّ [es-suḣriyy] (yâ’yla) ve
اَلسِّخْرِيُّ [es-siḣriyy] (sîn’in kesriyle) Ücretsiz zoraki iş işleyen ırgata kezâlik davara denir; yukâlu: هُوَ سُخْرَةٌ لِي وَسُخْرِيٌّ وَسِخْرِيٌّ وَكَذَا حِمَارٌ أَيْ يَعْمَلُ بِالسِّخْرِيِّ Ve
سُخْرَةٌ [suḣret] Şol kimseye denir ki kendisini nâs dâ΄imâ masharalığa alıp hezl ve istihzâ edeler; مَسْخَرَةٌ [masḣarat] dahi denir ki kaşmer taʹbîr olunur; yukâlu: هُوَ سُخْرَةٌ أَيْ يَسْخَرُ مِنْهُ النَّاسُ Ve
سُخْرَةٌ [suḣret] Şol kimseye denir ki her gücü yetişen adam onu zoraki işletir ola; yukâlu: رَجُلٌ سُخْرَةٌ إِذَا كَانَ يَتَسَخَّرُ كُلُّ مَنْ قَهَرَهُ Mü΄ellifin يَتَسَخَّرُ kavlindeki zamîr-i mansûb mahzûftur. Ve Suyûṯî Muzhir’de bu vech üzere tahkîk eylemiştir ki fâ’nın zammı ve ʹayn’ın fethiyle fuʹelet vezninde olan nuʹût fâʹil ile mü΄evveldir, هُمَزَةٌ [humezet] ve لُمَزَةٌ [lumezet] gibi ve fâ’nın zammı ve ʹayn’ın sükûnuyla fuʹlet vezninde olan mefʹûl ile mü΄evveldir, ضُحْكَةٌ [ḋuḩket] ve سُخْرَةٌ [suḣret] gibi. İntehâ.
اَلسُّخْرَةُ [es-suḣret] (sîn’in zammı ve ḣâ’nın sükûnuyla) ve
اَلسُّخْرَةُ [es-suḣret] (sîn’in zammı ve ḣâ’nın sükûnuyla) Şol kimsedir ki ücretsiz ʹamele tutulur; yukâlu: خَادَمَهُ سُخْرَةً Ve
سُخْرَةٌ [suḣret] Şol kimseye derler ki onu masharaya alalar.
Sitemizde detaylı hızlı ve kolay arama ekranı