ضُبَاعَةُ [Ḋubâʹat] (ثُمَامَةٌ [šamp;umâmet] vezninde) Bir dağın adıdır. Ve Ḋubâʹa bint Zufer b. el-Ḩârišamp; şol kızdır ki pederinin esîri olan Ḵuṯâmî nâm kimseyi kayd-ı esrden ıtlâk ve tahliye-i sebîl eylemekle hakkında tecmîl-i menn eylemek zımnında irşâd ve işâret eylemeğin pederi dahi merkûmu âzâd ve yüz ʹaded nâka ʹatiyyesiyle dil-şâd eylemişti. Bu şîveye mebnî Ḵuṯâmî mezbûreye hitâben işbu: “قِفِي قَبْلَ التَّفَرُّقِ يَا ضُبَاعَا || فَلاَيَكُ مَوْقِفٌ مِنْكَ الْوَدَاعَا” beytini inşâd eylemiştir. ضُبَاعَا kelimesi ضُبَاعَةُ [ḋubâʹat]tan mürahham ve elifi ıtlâkıyyedir, قِفِي وَوَدِّعِينَا إِنْ عَزَمْتِ عَلَى فُرْقَتِنَا فَلاَ كَانَ مِنْكِ الْوَدَاعُ لَنَا فِي مَوْقِفٍ sebkindedir. Hâsıl-ı maʹnâ “Seninle vedâʹımız sâ΄ir ahbâb vedâʹı gibi vedâʹ-ı firâk olmasın” demektir. Ve bu hilâf-ı muktezâ-yı zâhir envâʹından kalbi mutazammındır ki mevkiʹ-i mubtedâda vâkiʹ olan nekre ve mevkiʹ-i haberde vâkiʹ olan maʹrife olmuştur. Ve Ḋubâʹa bint ʹÂmir b. Ḵuşeyr, Ḋubâʹatu’l-Kubrâ dedikleridir. Ve Ḋubâʹa bintu’z-Zubeyr b. ʹAbdulmuṯṯalib ve Ḋubâʹa bint ʹÂmir b. Ḵurṯ ve Ḋubâʹa bint ʹİmrân b. Ḩuṡayn sahâbiyyedendir.
ضُبَاعَةُ [Ḋubâʹat] (ḋâd’ın zammı ile) Bir ʹavretin ismidir.
Sitemizde detaylı hızlı ve kolay arama ekranı