اَلْمِغْفَرُ [el-miġfer] (مِنْبَرٌ [minber] vezninde) ve
اَلْمِغْفَرَةُ [el-miġferet] (hâ’yla) ve
اَلْغِفَارَةُ [el-ġifâret] (كِتَابَةٌ [kitâbet] vezninde) Şol zırh külâhına denir ki baş kisvetinin altından giyilir, ışık taʹbîr olunur. ʹAlâ-kavlin başı ve yüzü omuzlara gelince bürüyen zırh külâhına denir ki başa yalnız giyilir, Fârisîde ser-penâh ve Türkîde tolga taʹbîr olunur. Ve
مِغْفَرٌ [miġfer] ثُمَامٌ [šamp;umâm] makûlesi ağaçlardan hâsıl olan zamka şebîh şıraya denir. Ve
غِفَارَةٌ [ġifâret] (كِتَابَةٌ [kitâbet] vezninde) Şol hırkaya denir ki nisvân başlarında olan خِمَارٌ [ḣimâr]ı edhândan muhâfaza için telebbüs ederler. Ve kirişe zarar eylemesin diye yayın toncuna sardıkları deri parçasına denir. Ve bir âher sehâb üstünde olan sehâbeye denir. Ve dağın tepesine denir. Ve bir dağın ismidir.
اَلْغِفَارَةُ [el-ġifâret] (ġayn’ın kesriyle) Şol buluttur ki âhar bulutun dûnunda ola. Ve
غِفَارَةٌ [ġifâret] Şol sahtiyân pâresidir ki yayın toncuna vazʹ ederler, kirişe zarar etmesin diye.
Sitemizde detaylı hızlı ve kolay arama ekranı