Kamus-ı Muhit - غمل maddesi

اَلْغَمْلُ [el-ġaml] (ġayn’ın fethi ve mîm’in sükûnuyla) Dibâgat olunacak deriyi dibâgat ederken ifsâd ve tebâh eylemek, ʹalâ-kavlin tüyü ve yünü çürüyüp dağılmak için enbâşteye basmak yâhûd taʹaffün edip gevşemekle tüyü âsân yolunmak için kuma gömmek maʹnâsınadır; yukâlu: غَمَلَ الْأَدِيمَ غَمْلًا مِنَ الْبَابِ الْأَوَّلِ إِذَا أَفْسَدَهُ أَوْ جَعَلَهُ فِي غُمَّةٍ لِيَفْسِخَ صُوفُهُ أَوْ دَفَنَهُ فِي الرَّمْلِ فَيَسْتَرْخِيَ فَيَنْتَتِفَ شَعْرُهُ Kezâlik çabuk nuzc bulup idrâk eylemek için hurmâ koruğunu örtüp basırmak yâhûd yere gömmek maʹnâsınadır; yukâlu: غَمَلَ الْبُسْرَ إِذَا غَمَّهُ Ve bir adamı terletmek için örtüp bürümek maʹnâsınadır; yukâlu: غَمَلَ فُلَانًا إِذَا غَطَّاهُ لِيَعْرَقَ Ve bir nesneyi ıslâh eylemek maʹnâsınadır; yukâlu: غَمَلَ الشَّيْءَ إِذَا أَصْلَحَهُ Ve üzüm salkımlarını birbirinin üzerine istif edip dizmek maʹnâsınadır; yukâlu: غَمَلَ الْعِنَبَ إِذَا نَضَّدَ بَعْضَهُ عَلَى بَعْضٍ Ve otlak gürlüğünden birbirinin üzerine bingeşmek maʹnâsınadır; yukâlu: غَمَلَ النَّبَاتُ إِذَا رَكِبَ بَعْضُهُ بَعْضًا Ve

غَمْلٌ [Ġaml] Bir mevziʹ adıdır.

Vankulu Lugatı - غمل maddesi

اَلْغَمْلُ [el-ġaml] (ġayn’ın ve mîm’in sükûnuyla) Deriyi dürüp bir yerde defn etmek tâ ki yumuşayıp tüyin yolması âsân ola. Ve eger bir sâʹat o deriden gaflet olunsa fâsid olur. Ve hurmâda dahi hâl böyledir, kaçan hurmâ olsun diye yere gömseler. Ve

غَمْلٌ [Ġaml] Bir mevziʹin dahi ismidir.