اَلْقُرْطُ [el-ḵurṯ] (ḵâf’ın zammıyla) Yoncaya şebîh bir nevʹ nebât adıdır, lâkin yoncadan kaba olur, Fârisîde ona şebzer denir, جَعْفَرٌ [caʹfer] vezninde bunu yine yonca nevʹinden birsîm dedikleriyle beyân ederler. Üç yapraklı olmakla Fârisîde “se-berge” dahi derler. Ve
قُرْطٌ [Ḵurṯ] ʹAbdullâh b. el-Ḩaccâc nâm kimsenin kılıcı adıdır. Ve âteşin şuʹlesine denir; yukâlu: أَضْوَأُ مِنَ الْقُرْطِ أَيْ شُعْلَةِ النَّارِ Ve çocuğun çüküne denir; yukâlu: هُوَ أَصْغَرُ مِنَ الْقُرْطِ أَيْ زُبَيْبِ الصَّبِيِّ Ve hayvân memesine denir, ضَرْعٌ [ḋarʹ] maʹnâsına. Ve küpeye, ʹalâ-kavlin salkım küpeye denir. Cemʹi أَقْرَاطٌ [aḵrâṯ] ve قِرَاطٌ [ḵirâṯ] gelir ḵâf’ın kesriyle ve قُرُوطٌ [ḵurûṯ] veقِرَطَةٌ [ḵireṯat], gelir قِرَدَةٌ [ḵiredeṯ] vezninde; yukâlu: جَائَتْ وَفِي أُذُنِهَا قُرْطٌ أَيْ شَنْفٌ أَوِ الْمُعَلَّقُ فِي شَحْمَةِ الْأُذُنِ Mü΄ellif شَنْفٌ [şenf]i ʹale’l-ihtilâf tefsîr eylemekle burada tercemesinde ihtisâr olundu. Sâ΄ir usûlde قُرْطٌ [ḵurṯ] mutlak küpe ile ve شَنْفٌ [şenf] salkım küpe ile mübeyyendir.
قُرْطٌ [Ḵurṯ] Sinbis kabîlesinden bir recülün ismidir.
Sitemizde detaylı hızlı ve kolay arama ekranı