اَلْمِغْوَلُ [el-miġvel] (مِنْبَرٌ [minber] vezninde) Baʹzı kamçılara geçirilen demir namluya denir ki kamçı ona gılâf menzilinde olur, kamçı sûretiyle onunla vurup katʹ ve cerh ederler. Ve مِشْمَلٌ [mişmel] yaʹnî pala tarzında bir gûne âlete denir ki paladan ince ve uzunca olur, buna Fârisîde bilisk ve Türkîde pinyal ve şiş taʹbîr ederler. Ve uzun temrene denir. Ve ʹinde’l-baʹz مِغْوَلٌ [miġvel] enseli bir gûne incerek kılıca denir ki Türkîde görde dedikleri olacaktır ki ʹArabların cenbiyye taʹbîr ettikleri ettikleri dahi bu kısımdandır. Bu âleti fettâklar kullanırlar, igtiyâl ile hemân iʹmâl ederler. Ve
مِغْوَلٌ [Miġvel] Bir recül ismidir. Ve
مِغْوَلٌ [miġvel] kezâlik غَوْلٌ [ġavl]den ism-i âlet olur ki çabuk helâk eden nesneye ıtlâk olunur; ve minhu yukâlu: فَرَسٌ ذَاتُ مِغْوَلٍ أَيْ ذَاتُ سَبْقٍ Gûyâ ki sâ΄ir atları sebk ile igtiyâl eder.
اَلْمِغْوَلُ [el-miġvel] (mîm’in kesri ve vâv’ın fethiyle) Şol ince kılıçtır ki ekser iki yüzlü olur ve onun kını kamçı gibi yâhûd ʹasâ gibi nesne olur, bâdî΄-i nazarda kılıç olduğu bilinmez. Ve
مِغْوَلٌ [Miġvel] Kezâlik bir recülün ismidir.
Sitemizde detaylı hızlı ve kolay arama ekranı