اَلْمَقْطُ [el-maḵṯ] (نَقْطٌ [naḵṯ] vezninde) Bir kimsenin boynunu kırmak maʹnâsınadır; yukâlu: مَقَطَ عُنُقَهُ مَقْطًا مِنَ الْبَابِ اْلأَوَّلِ وَالثَّانِي إِذَا كَسَرَهَا Ve bir kimseyi gücendirip gayz ve kîne bağlatmak, ʹalâ-kavlin derûnunu hışm ve kîne ile doldurmak maʹnâsınadır; yukâlu: مَقَطَ فُلاَنًا إِذَا غَاظَهُ أَوْ مَلَأَهُ غَيْظًا Ve bir adamı kapıp yere çalmak maʹnâsınadır; yukâlu: مَقَطَ الْقِرْنَ وَبِالْقِرْنِ إِذَا صَرَعَهُ Ve etfâl top taʹbîr ettikleri küreyi yere çalıp elleriyle tutmak maʹnâsınadır ki top oynamak taʹbîr olunur; yukâlu: مَقَطَ الْكُرَةَ إِذَا ضَرَبَ بِهَا الْأَرْضَ ثُمَّ أَخَذَهَا Ve kuş çiftleşmek maʹnâsınadır; yukâlu: مَقَطَ الطَّائِرُ الْأُنْثَى بِمَعْنَى قَمَطَهَا Ve bir adama yemînler ile and vermek maʹnâsınadır; yukâlu: مَقَطَهُ بِالْأَيْمَانِ إِذَا حَلَّفَهُ بِهَا Ve değnekle vurmak maʹnâsınadır; yukâlu: مَقَطَهُ بِالْعَصَا إِذَا ضَرَبَهُ بِهَا Ve
مَقْطٌ [maḵṯ] Şiddet maʹnâsınadır; yukâlu: مَقَطَهُ إِذَا شَدَّهُ Ve kamçı gibi küçük ip ile bir kimseye vurmak maʹnâsınadır; yukâlu: مَقَطَهُ إِذَا ضَرَبَهُ بِالْحُبَيْلِ الصَّغِيرِ Ve pek bükmek maʹnâsınadır; yukâlu: مَقَطَ الْحَبْلَ إِذَا فَتَلَهُ شَدِيدًا Ve مِقَاطٌ [miḵâṯ] ile bir nesneyi bağlamak maʹnâsınadır; yukâlu: مَقَطَهُ إِذَا شَدَّهُ بِالْمِقَاطِ
Sitemizde detaylı hızlı ve kolay arama ekranı