اَلأَحَذُّ [el-eḩažž] Zikr olunan حَذَذٌ [ḩažež] lafzından vasftır, kuyruğunun kılları ve tüyleri az olan erkek hayvâna ve hazez cârî olan cüz΄-i bahr-i kâmile ıtlâk olunur. Ve
أَحَذُّ [eḩažž] Tîz-dest olan adama ıtlâk olunur; yukâlu: رَجُلٌ أَحَذُّ أَيْ خَفِيفُ الْيَدِ Mübâşeret ettiği işi çabuk katʹ ve itmâm eylediği için ıtlâk olunmuştur. Ve arık ve zebûn hayvâna ıtlâk olunur, kıllet-i şaʹr-ı zeneb maʹnâsından me΄hûzdur; yukâlu: فَرَسٌ أَحَذُّ أَيْ ضَامِرٌ Ve şedîd ve münker ve ʹazîm olan emr ve husûsa ıtlâk olunur. Cemʹi حُذٌّ [ḩužž] gelir ḩâ’nın zammıyla; yukâlu: أَمْرٌ أَحَذُّ أَيْ شَدِيدٌ مُنْكَرٌ Kemâl-i şiddet ü fezâʹatinden nâşî, gûyâ ki eşbâh ve nezâ΄iri munkatıʹdır ki onun gibi şedîd ve münker nesnenin vücûdu mümteniʹdir yâhûd onun tedbîr ve tedârük ve kifâyeti husûsundan makdûr-ı beşer munkatıʹ olduğu mülâhazasına mebnîdir. Ve
أَحَذُّ [eḩažž] خِمْسٌ [ḣims]-i serîʹa ıtlâk olunur. Ve خِمْسٌ [ḣims], beşinci gün su içer olan devedir; yukâlu: خِمْسٌ أَحَذُّ أَيْ سَرِيعٌ Ve bu, hasâ΄istendir.
Sitemizde detaylı hızlı ve kolay arama ekranı