اَلْأَبْهَرُ [el-ebher] (أَحْمَرُ [aḩmer] vezninde) Arkaya denir, ظَهْرٌ [żahr] maʹnâsına. Ve arkada bir damar adıdır ki sâ΄ir damarlardan ʹazîm olanıdır. Ve boyun damarına denir ki şâh damar dedikleridir, وَرِيدُ الْعُنُقِ [verîdu’l-ʹunuḵ] maʹnâsına. Ve اَكْحَلُ [ekḩal] dedikleri damara denir ki kolda kan alınacak üç damarın ortasında olan damardır, ona beden damarı taʹbîr ederler, etıbbâ΄ عِرْقُ الْحَيَاةِ [ʹirḵu’l-ḩayât] ıtlâk ederler.
اَلْأَبْهَرُ [el-ebher] (hemzenin fethi ve bâ’nın sükûnu ve hâ’nın fethiyle) Şol damardır ki kaçan munkatıʹ olsa sâhibi helâk olur. Ve onlar kalbden nâşi olup sâ΄ir şerâyîn damarları yaʹnî atılan damarlar onlardan münşaʹib olur. Ve أَبْهَرُ [ebher] yayda طَائِفٌ [ṯâ΄if]le كُلْيَةٌ [kulyet]in ara yerine dahi derler. طَائِفٌ [ṯâ΄if] ṯâ-i mühmele ile yayın hânesine derler. Ve كُلْيَةٌ [kulyet] kâf’ın zammıyla yaydan ok değdiği ince yere derler.
Sitemizde detaylı hızlı ve kolay arama ekranı