اَلْأَنُوقُ [el-enûḵ] (صَبُورٌ [ṡabûr] vezninde) Tavşancıl kuşuna denir, عُقَابٌ [ʹuḵâb] maʹnâsına. Ve kartal kuşuna denir, رَخَمَةٌ [reḣamet] maʹnâsına. ʹAlâ-kavlin bir gûne siyâh kuştur ki başında ve boynunda at yelesi tarzında uzun tüyleri olur, ʹinde’l-baʹz tüyleri siyâh ve başı tüysüz kel ve minkârı sarı olur.
اَلْأَنُوقُ [el-enûḵ] (hemzenin fethi ve nûn’un zammı ve meddiyle) Bir kuştur ki ona رَخَمَةٌ [reḣamet] derler. Ve رَخَمَةٌ [reḣamet] râ’nın fethi ve ḣâ-i muʹcemenin sükûnuyla kartal dedikleri kuştur, sâhib-i Keşşâf tefsîri üzere ve kerkes dedikleridir sâhib-i Muhežžeb tefsîri üzere. Ve sâhib-i Ṡurâḩ murdâr-hor ile tefsîr etmiştir. Ve meşhûr budur ki murdâr-hor çaylak dedikleri ola, pes makâma münâsib olmaz, zîrâ çaylağın yumurtası gizli değildir, hâlâ ki mesel-i meşhûrda “أَعَزُّ مِنْ بَيْضِ الْأَنُوقِ” derler. Ve meselin vechi budur ki أَنُوقٌ [enûḵ] yumurtasın ziyâde gizler,mezbûrun yuvasına zafer bulunmaz, yüce dağlarda sarp yerlerde yumurtladığı için hâlâ ki mezbûr hamâkatla mevsûftur.
Sitemizde detaylı hızlı ve kolay arama ekranı