اَلأُنَيْسِيَانُ [el-uneysiyân] (hemzenin zammı ve nûn’un fethi ve sîn’in kesriyle) إِنْسَانٌ [insân]ın tasgiridir. Egerçi إِنْسَانٌ [insân]ın vezni فِعْلَانٌ [fiʹlân]dır velâkin tasgîrinde yâ ziyâde olunmuştur, nitekim رَجُلٌ [recul] tasgîrinde رُوَيْجِلٌ [ruveycil] demişlerdir, vâv ziyâde etmekle ʹalâ-hilâfi’l-kıyâs. Baʹzılar eyitti: إِنْسَانٌ [insân]ın aslı إِنْسِيَانٌ [insiyân] olup baʹdehu tahfîf ile إِنْسَانٌ [insân] olduğuna binâ΄en tasgîrinde yâ ziyâde olunmuştur, tekbîrinde yâ hazf olunduğu kesret-i istiʹmâli olduğu içindir, tasgîrinde kesret istiʹmâli olmamağın yâ asl üzere sâbit olmuştur. Ve إِنْسَانٌ [insân]ın aslı إِنْسِيَانٌ [insiyan] olduğuna İbn ʹAbbâs’ın إِنَّمَا سُمِّيَ إِنْسَانًا لِأَنَّهُ عُهِدَ إِلَيْهِ فَنَسِيَ dediği kavliyle istidlâl olundu.
Sitemizde detaylı hızlı ve kolay arama ekranı